Акција за рушење на бесправно изграден објект во населбата Инџиково, општина Гази Баба се одвива од утрово. Градоначалникот Бобан Стефковски, на социјалните мрежи објави дека акцијата започнала во 05:00 часот, по претходна координација со МВР.
Во прашање е објект во фаза на карабина со намера да се надградува, и покрај претходните забрани од надлежните служби.
„ЗА УРБАНАТА МАФИЈА НЕМА МЕСТО ВО ГАЗИ БАБА!ЗАКОНОТ МОРА ДА СЕ ПОЧИТУВА!
Во Инџиково од рано утрово во тек е акција за рушење на бесправно изграден објект!
Во моментот на акцијата, објектот беше во приземје – карабина фаза, со јасна намера за надградба на уште еден кат.
И покрај донесеното решение од градежниот инспектор за стопирање на градбата и затворање на градилиштето, субјектот не постапил по решението и продолжил со градежни активности.
Акцијата започна во 05:00 часот наутро, со претходна координација со МВР.
Компромис со почитувањето на Законот – НЕМА!
Апелирам до сите граѓани:
Почитувајте ги законите и не започнувајте градба без добиено Одобрение за градење.
Ред, закон и еднаквост за сите!“ се вели во објавата на градоначалникот.