Преку емисијата „Пресинг“ на косовската телевизија Т 7 лидерот на ДПА Мендух Тачи Тачи „ги повика Албанците во Македонија да не излегуваат да гласаат на изборите што ќе се одржат во недела, за да им испратат порака на сојузниците, кои се незадоволни од положбата на Албанците таму“!? Ова го пренесе информативниот портал на албански јазик „Тетова сот“.
Порталот пренесува: „Мојата партија не е толку важна, за да влијае силно на овие избори. Ги повикувам сите Албанци во Македонија да не излегуваат да гласаат.” – изјави Мендух Тачи.
Според него, конечната порака од неизлегувањето на Албанците на овие избори ќе стигне до Македонците. „Не надевајте се дека ќе се шегувате со нас, Албанците! Немојте да мислите дека сме се предале!“ – им порача на Македонците Тачи, пренесе „Тетова сот“.