Кадрите на СДСМ и ДУИ инсталирани во Советот за јавните обвинители (СЈО) идниот вторник започнуваат постапка за избор на нов претседател на СЈО, со цел да го задржат влијанието во јавното обвинителство.
За обвинителите кои се блиски до ДУИ оваа позиција е многу посакувана, а се со цел да се опструира процесирањето на отворените постапки за дел од кадрите на ДУИ, како што се предметите за Артан Груби и Перпарим Бајрами, но и за модуларната болница во Тетово, случај во кој првостепено е осуден екс директорот Флорин Бесими, внук на обвинителот Башким Бесими и брат на поранешниот министер за финансии Фатмир Бесими.
За кадрите во ЈО кои се блиски до СДСМ контролата на оваа институција е битна заради предметот за додатоците на обвинителите од поранешното СЈО, меѓу кои лично засегнати се обвинителите Гаврил Бубевски, Фатиме Фетаи и Ленче Ристовска.
Извори на expres.mk во Јавното обвинителство тврдат дека главен координатор на оваа операција е државниот обвинител Љупчо Коцевски, кој во изборот на Башким Бесими за нов претседател на Советот на јавни обвинители гледа шанса за негово понатамошно влијание и во периодот после неговото разрешување од позицијата главен државен обвинител.
Согласно обвинувањата на владејачката ВМРО-ДПМНЕ во врска со скандалот со прислушкувањето од страна на АНБ, Коцевски бил битна карика во синџирот на СДСМ, а во врска со следењето на тогашниот прв опозиционер Мицкоски, како и одредени новинари и бизнисмени.
Од извори во Советот на јавни обвинители, дознаваме дека на последниот колегиум, Ермон Незири, член на Советот и близок пријател на Гаврил Бубевски, го предложил Башким Бесими, стрико на бившиот министер за финансии од редовите на ДУИ, за иден претсдател на Советот за јавните обвинители.
Државниот обвинител Коцевски активно лобирал кај членовите на Советот да гласаат за својот сограѓанин Бесими да биде избран за прв човек на оваа институција, а најголеми напори вложува да ја добие поддршката на актуелната претседателка на СЈО, Душица Димитриевска, на која овој месец И истекува мандатот на таа позиција.
Инаку Башким Бесими е роден во 1966 година во Тетово, а правен факултет дипломирал на факултетот во Приштина во 1991 година.
Ваквата агилност на обвинителите блиски до СДСМ и ДУИ во изборот на претседател на Советот најавниобвинители, има за цел да се минимизираат најавените реформи во судството, како и да се саботира одговорноста пред законот на одредени фунцкионери од поранешната власт за кои постојат оформени предмети, тврдат нашите извори.