Три лица се задржани во полициска станица во врска со пожарот во Трубарево, соопшти министерот за внатрешни работи Панче Тошковски на вонредна прес-конференција по седницата на Управувачкиот комитет за справување со кризи.
Со нив се врши информативен разговор, со цел да се утврдат причините за избувнување на огнената стихија.
Пожарот е локализиран, но се уште е активен. Според мерните инструменти на Министерството за одбрана, најголема загаденост е регистрирана во периметар од 150 метри околу местото на пожарот, на 200 м таа е средна, а од 200 до 400 м ниска.
На жителите на Трубарево им е понудена евакуација и сместување во Центарот за обука на МВР во Идризово, со капацитет од 400 лица.