Утрово, полицијата спровела неколку рации во Куманово во кои уапсени се поранешни високи функционери поради сомнение за злоупотреба на службена должност.
Медиумите, повикувајќи се на полициски извори велат дека се уапсени поранешниот министер за земјоделство Трајан Димковски и поранешниот директор на НП Агро-берза Ниметула Рамадани, како и уште еден функционер од ова министерство, кои се приведуваат под полициска придружба во полициската станица Гази Баба во Скопјe.
-Во тек е полициска акција на подрачје на Куманово поради сомнение за злоупотреба на службена должност. Се вршат претреси на неколку локации. Повеќе информации по завршување на акцијата, информираат од МВР.