Лина Ѓорческа ја оправда улогата на трета носителка на тенискиот турнир во романскиот град Слобозија, кој се игра на земјени терени и за награден фонд од 40 илјади американски долари, без проблеми изборувајќи се за пласман во второто коло.
Ѓорческа, неделава 282. на ВТА-листата во поединечна конкуренција, на стартот славеше со 6-3, 6-2 по 88 минути игра против Романката Симона Огеску (1036.).
Слњдна противничка на најдобрата македонска тенисерка, 31-годишната тетовка, утре од 9 часот ќе ѝ биде уште една домашна натпреварувачка, 21-годишната Бјанка Барбулеску (591.).