-Во сила останува линеарното зголемување на пензиите. Отпадна сомнежот за неуставност на оспорениот закон и Судот ја запре постапката – соопштија од Судот. Постапката беше поведена поради сомневања дека ваквиот модел на зголемување може да ја наруши уставната еднаквост, правото на сопственост и принципот на социјална сигурност, бидејќи еднакво ги третира пензионерите без оглед на висината на нивните придонеси.
На истата седница, Уставниот суд разгледа и повеќе иницијативи поврзани со други закони. Судот одлучи да не поведе постапка за одредби од Законот за заштита на потрошувачите кои се однесуваат на употребата на македонскиот јазик и јазиците на заедниците со најмалку 20 проценти застапеност.
Постапка ќе се води и за одлуката за преименување улици и инфраструктурни објекти во Општина Тетово.