Колку македонскиот работник навтина е продуктивен?! За некои да, но за некои не. Но што велат реалните анализи?! Дарко Велков од „Вработување.ком“ во емисијата „Бизнис21“ изјави дека генерациските разлики значително влијаат на продуктивноста во земјата, која според регионалните показатели е меѓу најниските.
- „Ако ја споредиме нашата продуктивност со земјите од регионот, сме претпоследни – што е многу тажно. Главната причина е смената на генерации“, рече Велков.
Тој објасни дека младите генерации имаат поинаков пристап кон работата и кариерата.
„Денешните млади не се толку лојални кон компаниите како порано и не сакаат да чекаат со години за напредок. Тие сакаат брзо да заработат и брзо да се развиваат“, додаде Велков.