(Видео): Пукна водоводна цевка во Скопје, делови од градот без вода за пиење

Голем дефект во главниот град. Една од главните водоводни цевки вечерва пукна во населбата Влае. Порталот „24info.mk“, објави видео на кое се гледа дека е поплавена цела улица, а како што јавува порталот, водата навлегува во дворови и во подруми од куќи.

Нема официјална информација за големината на дефектот, ниту за колку време би бил саниран.

Во меѓувреме, жители јавуваат дека нема вода во Хром, Ѓорче, Влае, Карпош… додека во Центар и Аеродром значително е намален притисокот.