Во Струга се одржа протест против загадувањето на воздухот од депонијата. Од иницијативата Зелена народна стража посочуваат дека ова не е само протест против загадениот воздух, туку борба против дводецениското труење на стружани и околните жители.
„Депонијата во Струга е една од најопасните депонии во Македонија, која со токсични гасови и тешки метали, освен воздухот, ја загадува и почвата и реката Црн Дрим. Секоја година се фрла повеќе од 40.000 тони високо токсичен отпад. Депонијата се наоѓа на само 2 километри од Охридско Езеро. Стружани не можат ни прозор да отворат. Децата не можат да нормално да растат. Од година во година се зголемува бројот на случаи со канцер“, посочуваат од иницијативата, од каде изработија и видео.
https://www.facebook.com/watch/?v=1337245391173540
„Колку години треба да поминат за надлежните да сфатат дека не се поголеми од природата? Доста беше. Ве охрабруваме сите да излезете на протест и блокада“, стои во соопштението на Зелена народна стража.