Македонија

(Видео): Воспоставена контрола над пожарот кај штипско Селце, спасени викендиците

Повторно е воспоставена контролата врз големиот пожар кај штипското село Селце, кој во текот на денот повторно се разгорел и се приближил до повеќе викендички, информира директорот на Дирекцијата за заштита и спасување, Стојанче Ангелов.

2 минути за читање

Пожарот кај штипското село Селце, кој утрово бил ставен под контрола, попладнево поради високите температури и силниот ветер, повторно се разгорел и претставувал опасност по викендиците. Според директорот на Дирекцијата за заштита и спасување Стојанче Ангелов, засега се држи пожарот под контрола и на повеќе места се наоѓаат доволен број на пожарникари.

Во овој појас има сигурно стотина викендици. Засега имаме контрола. На повеќе места се поставени доволен број пожарникари и очекувам до вечер да имаме контрола барем на делот што ги загрозува викендиците, вели Ангелов. Во гаснењето на пожарот ангажирани се голем број пожарникари од Источна Македонија и од огнените тимови на Дирекцијата за заштита и спасување.

Ангелов изрази благодарност до пожарникарите кои, како што рече, со натчовечки напори и голема пожртвуваност успеале да ја запрат линијата на огнот која предизвикувала најголема загриженост поради опасноста за викендичките.

Според него, во подрачјето покрај пресушената река Лакавица има голем број викендички, поради што приоритет на екипите било да го спречат огнот пред да стигне до објектите. Тој посочи дека во моментов на тој дел од пожарот е воспоставена контрола, а на повеќе места се распоредени доволен број пожарникари.

Ангелов очекува до вечерва под контрола да остане најмалку делот од пожарот кој ги загрозува викендичките.

Проблем останува горниот дел од пожарот, кој се движи во насока на планината Серта. Според Ангелов, екипите ќе се обидат да го спречат неговото ширење кон планината, подрачје кое и во претходните летни сезони беше зафатено од шумски пожари. Во гаснењето од воздух се вклучени и „ер тракторите“ на Дирекцијата за заштита и спасување, како и два хеликоптери – еден полициски и еден армиски. Екипите остануваат на терен, а активностите продолжуваат со цел пожарот целосно да биде ставен под контрола и да се спречи неговото ширење кон Серта.

Поврзани теми:

директор на Дирекцијата за заштита и спасување (ДЗС) Стојанче Ангелов|Селце|топ|актуелно|пожар|ДЗС

Повеќе на оваа тема:

Најнови вести од: Македонија

„Граматиката“ на Блаже Конески од 1952 – силен научен противудар кон бугарско-грчките негирања на македонскиот јазик!

„Корените на нашиот денешен литературен јазик се впиваат во наследството на писменоста, што од векови наваму носи во Македонија самобитно јазично обележје.“ – има напишано, покрај другото, еден од архитектите на македонскиот национален идентитет и на македонскиот јазик Блаже Конески во уводот на својата „Граматика на македонскиот литературен јазик“, објавена на денешен ден, на 13 октомври 1952 година. Издавањето на ова дело е еден од најзначајните датуми не само во јазичната, туку и националната историја на македонскиот народ. На денешен ден пред 74 години е испечатена „Граматика на македонскиот литературен јазик. Дел I: Увод. За гласовите. За акцентот“. Во 1954 година е излезена од печат „Граматика на македонскиот литературен јазик. Дел II: За формите и нивната употреба“. Од вкупно 7.170 постојни живи јазици во светот, колку што истакнува „Етнолог“ (светска научна платформа за бележење и документирање на јазиците) дека ги има денес, лингвистот Харалд Хамарстром истражувал 6409 јазици во својата студија „Јазичната и јазичната еволуција“ од 2017 година и констатирал дека речиси половината од нив „недостасува каков било вид граматички опис“. Појасно кажано, речиси 3200 од сите светски јазици немаат никаква своја напишана граматика, но тоа воопшто не значи дека тие јазици немаат свои автентички граматички и други структури и внатрешни законитости. Но значи дека речиси 3200 народи, или етнички групи во светот, немале свои луѓе да се обидат, или и конечно да им напишат научна граматика, како што ги имал македонскиот народ своите Партенија Зографски, Венијамин Мачуковски, Димитар Миладинов, Ѓорѓија Пулевски, Крсте Мисирков и „лозарите“, сѐ до Круме Кепески и Блаже Конески.

Македонија меѓу побезбедните држави во светот според „Мапата на опасности за 2027“ на „Глобал гардијан“ од САД

Македонија и останатите земји од Западен Балкан се наоѓаат во категориите со ниска до умерена безбедносна опасност, покажува Глобалната мапа на опасности за 2027 година, објавена од американската компанија за корпоративна безбедност „Глобал гардијан“.

Објавен Вториот повик за предлог-проекти во рамките на ИПА III Програмата за прекугранична соработка Македонија-Албанија 2021-2027

Заинтересираните организации се повикуваат навремено да започнат со подготовка на своите проектни предлози, како и со воспоставување контакти и координација со потенцијалните прекугранични партнери. Раното планирање и ефективната соработка меѓу партнерите се важни предуслови за подготовка на квалитетни и одржливи проектни предлози.

Ковачевски: СДСМ претрпе сериозен изборен пораз, имаше само 124.000 гласа – Платформата 12:05 е оправдана!

„Ова што се случува (во СДСМ) не е нешто непознато во политиката, после пораз на избори СДСМ на локалните избори претрпе сериозен пораз, имаше само 124 илјади гласа’’ посочи поранешниот претседател на СДСМ и поранешен премиер Димитар Ковачевски на гостување во МРТ.

Заменик-министерот за здравство Јовица Андовски поднесе оставка, поради „лични причини“

Јовица Андовски повеќе нема да ја извршува функцијата заменик-министер за здравство, откако поднесе оставка од лични причини. Во писмото со кое се повлекува од функцијата, тој му се заблагодари на премиерот Христијан Мицкоски за довербата, поддршката и досегашната соработка.
Сите вести од Македонија

Најнови вести

To top