Проблем со радар, стар 27 години, беше разрешен за само три дена. Седум години никој не се грижел за резервни делови, бидејќи нивното производство престанало уште пред седум години.
- „Се соочивме со проблем, но благодарение на професионалците успеавме во рок од три дена да го решиме и да го ставиме во функција“, вели заменик претседателот на Владата и министер за транспорт Александар Николоски во своето гостување на ТВ Сител.
Тој истакна дека со одлука на Владата ќе биде обврзан М-НАВ да започне со работа и во период од неколку месеци целосно да го стави во функција новиот радар. „Со одлука на Владата ќе го задолжиме М-НАВ да почне да работи и очекувам во еден период од неколку месеци целосно да го стави во функција новиот радар“, потенцираше тој.
Постојат стандардни тестирања, но М-НАВ ќе делува во рамките на потребното време за целосно ставање во функција на новиот радар. Во овој момент, имаме целосно функционални три радари, еден за охридскиот аеродром и два на скопскиот, со што е обезбедена целосна безбедност.
„Точно е дека се соочивме со проблем минатата недела кога откажа еден од радарите на скопскиот аеродром. Она што го откривме минатата недела е дека тој радар седум години работел на еден канал.“
Радарот е стар 27 години, а пред седум години престанало производството на резервни делови, и во текот на тие седум години не биле обезбедени делови, што претставуваше дополнителен проблем.
- „Успеавме проблем кој што се ставал под тепих 27 години да го решеиме за три дена“, изјави Николоски.