Македонија

ВМРО ДПМНЕ – Албанија официјално е регистрирана, заради обединување на сите Македонци во оваа земја

„ВМРО ДПМНЕ – Албанија е дом за сите, кои ја носат Македонија во своето срце!“ – порачува преку општествената мрежа претседателката на новата политичка организација на Македонците во Албанија Елена Симонофски.

Партијата ВМРО ДПМНЕ – Албанија и официјално преку судот е регистрирана во Република Албанија. Ваквата вест преку фејсбук ја соопшти претседателката на ВМРО-ДПМНЕ за Република Албанија Елена Симонофски. Како што нагласува таа во својата објава, целта е да се обединат сите Македонци во Република Албанија

„Драги пријатели, со голема радост сакам да ви соопштам прекрасна вест! ВМРО ДПМНЕ – Албанија официјално е регистрирана во Судот на Република Албанија! Ова не е само формалност, туку е нов почеток! Организацијата се создаде со возвишена цел: да ги обедини сите Македонци во Албанија, без разлика на местото, улогата или политичката припадност. Дојде времето да зборуваме заедно, да дејствуваме гласно и да се избориме организирано за нашите права, идентитет и подобра иднина. ВМРО ДПМНЕ – Албанија е дом за сите, кои ја носат Македонија во своето срце. Заедно сме посилни, заедно сме Македонија!“ – пишува во својата објава претседателката на ВМРО ДПМНЕ за Република Албанија Елена Симонофски.

Најнови вести од: Македонија

Актуале: Левица отворено соработува со НАИ на Али Ахмети и ДУИ во вториот изборен круг во Струга, Тетово и Скопје!

Информативниот портал на албански јазик „Актуале“ ја констатира, како што нагласува, „веќе видната соработка на Левица на Димитар Апасиев со НАИ на Али Ахмети и ДУИ за 2 ноември“.

Апсурди на ДУИ: бара предвремени парламентарни избори и, ако би се вратила во владата, да не одговара пред премиерот, туку пред граѓаните?!

Пренесувајќи го ставот на неговата партија ДУИ и нивната опозициска коалиција Национална алијанса за интеграција (НАИ), Арбер Адеми со барањето да се одржеле предвремени парламентарни избори поправо се обидува да ги оспори резултатот од ланските парламентарни избори и политичката волја на граѓаните, кои гласале за ВМРО ДПМНЕ и другите партии, што ја сочинуваат сегашната Влада на Република Македонија. „Ќе треба да се одрази вистинската волја на граѓаните во составот на владејачките институции!“ – бара Арбер Адеми во име на ДУИ и НАИ, но дали мисли дека лани не била одразена вистинската волја на граѓаните?! Само затоа што ДУИ не е повеќе на власт, по две децении, би морала да им се исполни незгасливата желба да бидат доживотно во власта, па пак да се оди на парламентарни избори – барања и ставови на ДУИ, кои се далеку од реалноста и нормалната политичка пракса во секоја држава во Европа и светот.

To top