Македонија

Во Загреб претставување на „Магичниот круг на детството” од Татјана Гогоска во рамки на проектот „Македонскиот јазик е најголемата културна татковина без граници“

Во Македонскиот културно-информативен центар (КИЦ) во Загреб вечерва ќе се одржи претставување на книгата „Магичниот круг на детството ” од авторката Татјана Гогоска. Ова претставување се одржува во рамки на мултимедијалниот проект за деца „Магичниот круг на детството“ на „КАТ Продукција“, кој се реализира од 16 заклучно со 19 април во Македонскиот културно-информативен центар во Загреб под мотото: „Македонскиот јазик е најголемата културна татковина, која нема граници. Затоа многу значаен елемент е живеењето на јазикот меѓу генерациите, што не се во Македонија, туку живеат во други држави.“

1 минута за читање

Проектот се спроведува со поддршка на Министерството за култура и туризам на Македонија. Во рамките на проектот се опфатени четириесетина ученици што учат македонски јазик во двете основни училишта во Загреб, „Август Харамбашиќ“ и „Никола Тесла“, под водство на наставничката Деспина Белчовска Велинска.

Реализирани се три креативни работилници: драмска под водство на актерката и режисерка Снежана Конеска Руси, работилница за илустрација на книги за деца под водство на дизајнерката и едукаторка Елена Максимовска и работилница за креативно пишување под водство на Татјана Гогоска, авторка на проектот и авторка на книгата „Магичниот круг на детството“.

На вечерашното претставување на книгата на Гогоска, покрај другите, ќе зборуваат директорката на Македонскиот КИЦ во Загреб Мими Ѓоргоска-Илиевска, која со својата поддршка го овозможи реализирањето на овој проект и авторката Гогоска. Книгата ќе ја претстават децата- учесници во трите работилници со своја изведба. Целиот настан ќе го води актерката и режисерка Снежана Коневска Руси.

Поврзани теми:

актуелно|претставување книга во Загреб|„Магичниот круг на детството“|авторка Татјана Гоговска|мултимедијален проект за деца|„Македонскиот јазик е најголемата културна татковина|која нема граници.“

Најнови вести од: Македонија

Левица и СДСМ аеднички во блокада на Изборниот законик

„Единственото нешто што го побаравме е нашата дијаспора да може по електронски пат да гласа уште на следните претседателски избори. Прво го прифатија ова наше барање, а денес истите го блокираат“, изјави портпаролот на ВМРО-ДПМНЕ

Секој граѓанин сам ќе одлучи дали ќе биде органодарител

Усвоени измените и дополнувањата на Законот за земање и пресадување делови од човечкото тело заради лекување, со што се отвора можност секој полнолетен граѓанин лично да се изјасни дали сака да биде органодарител по својата смрт

ВРЕДИ: Требаше Ахмети да оди во опозиција за Зајас да разбере зошто остана без канализација

На Албанците им кажуваа „причини“, додека зад сцената се склучуваа договори за соработка, се воведуваа локални фирми и се префрлаа милиони евра од европските фондови.
Жителите чекаа канализација, а друг чекаше исплати.
Сите вести од Македонија

Најнови вести

To top