Земјотрес со јачина од 3.4 степени по Рихтер утрово го стресе охридско-струшкиот регион. Според Сеизмолошката опсерваторија, земјотресот бил со интензитет од IV степени и бил почувствуван во пошироката околина. Според Сеизмолошката опсерваторија при Природно-математичкиот факултет во Скопје, утринава на 18 мај, во 5:07 и 5:16 часот, се регистрирани два земјотреси со епицентар во подрачјето Пештани – Охрид – Струга, на околу 100 километри југозападно од Скопје.
Првиот земјотрес имал локална магнитуда од 3.4 степени според Рихтер, а вториот 2.3 степени. Според досегашните податоци, посилниот од двата бил почувствуван во Охрид, Струга и околината со интензитет од IV степени според Европската макросеизмичка скала.
Нема информации за причинета материјална штета или повредени лица.
Телеметриската сеизмолошка мрежа на Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, рано утринава во 5 часот и 7 минути и 5 часот и 16 минути регистрираа земјотреси чии епицентри потекнуваат од епицентралното подрачје Пештани- Охрид -Струга, на околу 100 км југозападно од Скопје, со Рихтерови локални магнитуди, ML3.4 и ML2.3.