Стихот ,,Жива била Македонија” од песната Бисер Балкански и десетици други македонски патриотски песни ечеа вчера во селото Овчарани на веселбата организирана за големиот македонски празник.
Во ова Леринско село во Егејска Македонија традиционално се одржува голема народна веселба на Македонците во чест на Илинден.
Македонците во Грција Илинден се слави 14 дена порано според Грегоријанскиот календар.
За време на Илинденското востание најголемата територија која востаниците ја запоседнале и најдолго ја чувале е во местата Невеска и Клисура кои се наоѓаат во Грција.
Според објавените видеа годинава на собирот во Овчарани кој се нарекува ,,Панаѓир” се собрала рекордна бројка на Македонци од сите краеви на Македонија.
Многумина Македонци во Грција од оддалечени села и градови на собирот отидоа и во знак на пркос откако претходно радикални грчки структури ги пријавуваа организаторите дека организирале сепаратистички собири на Македонци.
За разлика од Македонија каде голем број македонски градоначалници организираат народни веселби со српски пејачи во Егејска Македонија на собирите се пејат главно македонски песни.
Видеото од масовниот собир во Овчарани на линкот кој го објавува пратеникот на ВМРО-ДПМНЕ Игор Здравковски
https://x.com/MMZdravkovski/status/1946667366315880698?t=DWiFkv_akuuxeQAi7yabqA&s=19