Дамјан Давков (Штип) е европски шампион по математика на првото издание на Европската математичка олимпијада (ЕМО 2026), што се одржа во Вилнус, Литванија.
Со освоени 44 поени, Давков го делеше првото место со натпреварувач од Казахстан, но според дополнителните критериуми, токму тој е прогласен за апсолутен победник на првата ЕМО во историјата.
Македонија на овој престижен натпревар испрати шест ученици и се врати со впечатливи резултати – три медали:
- Злато – Дамјан Давков (44 поени)
- Сребро – Ивано Божиновски (29 поени)
- Бронза – Леонид Тодороски (23 поени)
Во екипниот пласман според бројот на освоени медали, Македонија заврши на шесто место во Европа, зад Казахстан, Украина, Бугарија, Франција и Грузија.
За земја со помалку од два милиони жители, освојувањето на златен, сребрен и бронзен медал на првото издание на Европската математичка олимпијада претставува исклучителен успех и потврда за квалитетот на македонските млади математичари.
