Македонија

Значаен успех на Македонците-Муслимани, познати како Горани: во Собранието на Косово пратеник ќе им биде лидерот на Горанската Партија Хоџа

Областа Гора на Косово опфаќа 18 села, населени со Македонци со муслиманска вероисповед, кои самите се нарекуваат Горани. Во науката за македонскиот јазик тие се познати и според тоа што говорат извонредно чист и запазен македонски јазик, иако проткаен со одредени и неизбежни србизми и турцизми во нивниот зборовен фонд. Под истата агенда како и со Македонците од Мала Преспа, Бугарија бара Бугари и меѓу тие Македонци од муслиманска вероисповед, кои живеат на територијата на Косово. Тие се изложени на непрестајна и перфидна стратегија за нивно асмилирање и бугаризирање, со користење притисоци и разновидни методи да се попишат како Бугари, а за возврат да добијат бугарски пасош, финансиска помош и школување за младите во Бугарија. Политичката застапеност на Македонците-Горани во косовскиот парламент ќе биде соодветна можност не само да се искаже нивниот македонски идентитет и македонскиот јазик, кој го говорат, туку и да се бара од косовските власти да преземат мерки за нивна ефикасна заштита од бугарските емисари – „рибари на македонски души“.

2 минути за читање

Единствената горанска партија (ЈГП), изразува искрена и длабока благодарност до сите гласачи и кандидати кои беа дел од листата на партијата на парламентарните избори, што на Косово се одржаа на 28 јануари.

-Благодарност до сите кандидати на листата за нивната храброст, посветеност и доверба во партијата. Голема благодарност и признание и до секој член, активист и волонтер кој со својата работа, време и енергија придонесе за заедничката цел, да имаме свој претставник во законодавниот дом, стои во објавата на партијата.



Посебна благодарност упатува до сите гласачи кои, како што пишуваат, ја препознаа визијата на партијата и ја дадоа својата поддршка, чија доверба претставува чест, но и голема одговорност.

-Наша обврска е укажаната доверба да ја оправдаме со чесна, посветена и одговорна работа. Нашата мисија е јасна: унапредување на благосостојбата на областа Гора, зачувување на нејзиниот идентитет и создавање подобри услови за живот за сите граѓани. Обединети, продолжуваме понатаму – за Гора, за иднина, порачуваат од партијата.


Во новиот состав на косовскиот парламент, на предвремените избори, освојувајќи над 1500 гласови, место обезбеди и ЈПГ, што е едно од 10-те загарантирани пратенички места за малцинствата, покрај 10-те загарантирани за српското малцинство.

Во 120-члениот законодавен дом ќе биде лидерот на партијата Адем Хоџа, дипломиран инженер.

 

Поврзани теми:

актуелно|Македонци-Муслимани познати како Горани во Косово|пратеник во Собранието на Косово Адем Хоџа

Најнови вести од: Македонија

(Видео): Речиси целосно пробиена трасата на булеварот „Борис Трајковски“ кон Драчево

По долгогодишно чекање, булеварот „Борис Трајковски“ конечно добива решение, со што се исполнува едно од најважните инфраструктурни очекувања на жителите од овој дел на Скопје.

„Комунална хигиена“ со 12 милиони евра долгови и 60% од возилата расипани

Државната ревизија ја прочешла документацијата за 2024 година на Јавното претпријатие Комунална Хигиена Скопје. Според наодите на ревизорите компанијата има проблем со наплататата на нивната услуга, потоа забележано е нерационално управување со залихите, но констатирана е и намалена ликвидност.

Презирот на македонските херои кон смртта во битката на Ножот на 14.7.1907, една од највеличествените страници на македонската историја по Илинденското востание

„Никој не смее да ги допре и да ги нагрди хероите! Гледате ли како комитите ја презираат смртта? Се борат и умираат како херои!“ – со овие зборови мајорот Енвер-беј, кој командувал со многубројната турска војска во легендарната битка со македонските комити на 14 јули 1907 година на планинскиот врв Ножот кај прилепското село Ракле, им оддал почит на саможртвениците за слободата на Македонија и македонскиот народ. Тој трагичен јулски ден во 1907 година штамата завладеја на Ножот, откако последните преживеани македонски комити се самоубија со последните куршуми и со активираните бомби, кои им преостанаа, за да не паднат во рацете на турскиот аскер. Претходно прилепскиот градски окружен комитет и војводите им издале наредба да се повлечат од врвот. ,,Опфатени сме од оган, гориме и сме дошле да изгориме. Сакаме да умреме со достоинство. Нашето решение е неповратно.” – порачале 54-те македонски херои, одбивајќи да се повлечат, за да можат сите останати да заминат безбедно. Битката на Ножот е од најнерамноправните и најкрвавите битки во историјата на Македонија по Илинденското востание, но е и една од многуте во македонската национална историја на непокорот, буните и востанијата против поробителите.
Сите вести од Македонија

Најнови вести

To top