Полуостровот Атос (третиот крак на полуостровот Халкидики) во Грција рано утрово беше погоден од серија земјотреси, од кои најсилниот беше 5,0 степени според Рихтеровата скала, објави Европско-медитеранскиот сеизмолошки центар (EMSC).
На полуостровот Атос се наоѓа Света Гора, автономна област, која претставува еден од најзначајните православни центри во светот. каде се сместени манастири од повеќе православни земји и е дом на средновековни монашки заедници само за мажи.
Земјотрес со јачина од 4,8 степени го погоди полусостровот Атос во северна Грција во раните утрински часови во понеделник, но нема извештаи за повредени или штети, јави Катимерини.
Епицентарот на земјотресот бил на отворено море, на длабочина од пет километри, околу 10 километри јужно од манастирот Хиландар.
Засега нема извештаи за повредени или материјална штета.
Не е издадено предупредување за цунами.
Грција, една од земјите во Европа кои се најсклони на земјотреси, се наоѓа на границата на африканските и евроазиските тектонски плочи, чија постојана интеракција предизвикува честа сеизмичка активност.