Жељко Бебек го прославува својот 80-ти роденден. Пејачот со кариера долга повеќе од половина век доби бројни честитки, но пораката од неговата сопруга Ружица, која напиша на социјалните мрежи: „Ти си мој крал“, привлече посебно внимание. Заедно со заедничката фотографија на која позираат со своите деца, ќерката Катарина и синот Звонимир, Ружица му испрати прекрасна порака на својот сопруг:
- „Среќен роденден, љубов! Твоите први 80, а нашите 28. Ти си мој крал, татко на нашите деца, мое сè… Те сакам, ти знаеш сè – секогаш и засекогаш“, напиша таа во описот на фотографијата, објавува City Magazine.
Жељко и Ружица Бебек се во брак од 2002 година и заедно имаат две деца – синот Звонимир и ќерката Катарина. Бебек има уште две ќерки од претходните бракови: Силвија, која ја имаше со првата сопруга Споменка, како и Бјанка од вториот брак со Сандра. Тој ја запознал Ружица кога имал 52 години, додека таа имала 18 години. Таа претходно зборувала за почетокот на нивната врска за списанието In: „Бев многу млада кога се запознавме. Преку дружење, сфативме дека се вклопуваме. Беше време без мобилни телефони – долги разговори, повици дома, разгледници од патувања. Па со текот на времето сфативме дека она што го имаме е прекрасно.“
Жељко Бебек е роден на 16 декември 1945 година во Сараево и е еден од најпрепознатливите вокалисти на поранешна Југославија. Тој станал познат на пошироката публика како прв и долгогодишен пејач на легендарниот бенд „Бјело Дугме“, со кого снимил некои од најважните албуми на југословенскиот рокенрол во текот на 1970-тите. Откако го напушти бендот во 1984 година, тој започна успешна соло кариера, во која продолжи да ги полни сали низ регионот.
Дури и во својата осма деценија од животот, Бебек останува активен на сцената, изведувајќи и објавувајќи нова музика, со што го потврдува својот статус на еден од најдолговечните и највлијателни пејачи на просторот на поранешна Југославија.