Избувна пожар во енергетската просторија на првиот безбедносен систем на петтиот блок во нуклеарната централа Козлодуј, Бугарија. Информацијата ја објавија бугарските медиуми, вклучително и порталот novini.bg.
Противпожарните служби брзо интервенираа поради силниот чад, а гаснењето се одвиваше според протоколот. Според Eurocom, повикувајќи се на извори, „ситуацијата во моментов е под контрола“.
Нема повредени лица, ниту прекини во производството на електрична енергија. Безбедносните системи функционираат нормално. Изгорела е единицата за напојување на безбедносниот систем.