Регион

Романија воведува доброволна воена служба – ама за плата

Целта е армијата да има 120.000 лица со основна воена обука во случај на евентуален конфликт

 

 

Романската влада усвои предлог-закон со кој се предвидува воведување доброволна воена обука за млади луѓе за да се компензира застарената резерва на вооружените сили, објавија локалните медиуми, цитирани од БТА. Се очекува документот да биде одобрен од парламентот до крајот на годината.

Целта е армијата да има 120.000 лица со основна воена обука во случај на евентуален конфликт.

Во моментов, Министерството за национална одбрана се потпира на околу 70.000 активни лица и 40.000 резервисти, вклучувајќи постари лица кои не се опција во случај на војна. Покрај нив, армијата има и околу 3.000 доброволни резервисти кои се обучени во текот на изминатите две години.

Според одобрениот нацрт, романските граѓани – мажи и жени на возраст меѓу 18 и 35 години – ќе можат да побараат од Министерството за национална одбрана доброволно да учествуваат во програма за основна воена обука, која ќе трае до четири месеци. Обуката се однесува на лица кои не отслужиле активна воена служба и не се во резерва, забележува „Агерпрес“.

За време на нивното учество во програмата, волонтерите, кои претходно поминале тест за физичка подготвеност, ќе имаат право на бесплатен сместување, опрема и храна, здравствена заштита и лекови, како и месечен надоместок.

Платата е е 4.000-5.000 леи (787-984 евра) месечно.

Најнови вести од: Регион

Трагедија на автопатот кај Нови Сад: Дете загина, седумина повредени

Едно дете загина, а седуммина други се потешко повредени во страшна сообраќајна несреќа што се случила рано изутрина околу 3:30 часот на автопатот Нови Сад – Белград, во близина на наплатната рампа кон српската престолнина.

Александар Вучиќ се огласи за проблемите во енергетскиот сектор

Вучиќ во неделата изјави дека ќе разговара со своите руски, американски и европски партнери за да го најде најдоброто решение за Србија во врска со моменталната енергетска ситуација. Тој тогаш изјави дека Србија ќе донесе свои одлуки и ќе го заштити населението ако немаме решение за проблемите оваа недела.

Претседателката Османи повикува на консултации за нов мандатар во Косово

Беким Купина, советник за медиуми на претседателката на Косово, Виоса Османи, денес изјави дека по неуспешниот обид за формирање нова влада, претседателката ќе ги покани политичките партии на консултации за избор на нов мандатар.

To top