„Очекувам дека во понеделник или вторник, заедно со Русите и некои други што руската страна ќе ги најде, ќе испратиме писмо до американската влада и ќе видиме дали ќе прифатат еден, два или три месеци да нè ослободат од санкциите бидејќи почнавме со промени во менаџментот“,соопшти синоќа претседателот на Србија Александар Вучиќ.
Тој нагласува дека луѓето не треба да се грижат.
„Новата вест сега е договорот меѓу Трамп и Орбан“.
Трамп ја ослободи Унгарија од санкции за купување руска нафта
„Му честитам на мојот пријател Виктор. Ова значи дека ќе мора да пренесуваме гас преку Србија до Унгарија и дека Американците нема да дозволат застој. Ова е добра вест за нас“ рече Вучиќ.
„Не е само прашање на НИС, ние го имаме и Лукоил во земјата“, изјави српскиот претседател Александар Вучиќ на РТС.
„Ако не се лажам, санкциите за Лукоил ќе започнат на 21 ноември“, рече Вучиќ на јавниот сервис и потсети дека иако Лукоил нема рафинерија во Србија , има 54станици за снабдување со гориво.
Тој објасни дека се очекува прво Србија да го истиснеме руското управување, а потоа и руската сопственост.