Регион

Уште еден пациент почина по операција на крајници во Чачак

Случајот доаѓа само неколку дена по смртта на четиригодишно девојче во истата здравствена установа

1 минута за читање

Триесет и осумгодишен маж починал по операција на крајници во Општата болница во Чачак, соопшти српското Министерство за здравство. Смртта настапила ноќта меѓу 11 и 12 февруари.

Според информациите од Министерството, пациентот сам побарал хируршка интервенција поради долгогодишни проблеми со дишењето. Тој бил свесен за ризиците од операцијата, особено поради придружни заболувања од кои страдал.

Овој случај следува само неколку дена по смртта на четиригодишно девојче, кое на 4 февруари почина по слична интервенција во истата болница.

Министерот за здравство Златибор Лончар издаде наредба за воведување привремени мерки во болницата во Чачак, што подразбира засилен надзор и промени во управувањето со установата во наредниот период.

По првиот трагичен случај, вршителот на должноста директор на болницата поднесе оставка, а граѓаните организираа дводневни протести, барајќи одговорност и транспарентност.

Министерството претходно испрати здравствена инспекција во болницата за да ги испита околностите поврзани со смртта на девојчето. Покренат е и надворешен стручен надзор, кој го спроведуваат професори од терцијарни здравствени установи.

Засега нема официјални информации дали двата случаи се поврзани.

Поврзани теми:

операција|Чачак|крајници|раковдствл|топ|пациенти

Повеќе на оваа тема:

Најнови вести од: Регион

Вучиќ и Рама заеднички бараат влез во ЕУ по пат на „делумна интеграција“ и без право на вето!

Српскиот претседател Александар Вучиќ и албанскиот премиер Еди Рама се огласија со заеднички предлог за забрзана интеграција на Србија и Албанија во Европската Унија, но според модел што не нуди веднаш целосни членски права. Во заедничка колумна, објавена во германскиот „Франкфуртер алгемајне цајтунг“, двајцата предлагаат постепено вклучување во единствениот европски пазар и во Шенген како меѓучекор до полноправно членство. Остануваат дилемите колку „делумната интеграција“ е промислен чекор кон ЕУ, или е избрзано прифаќање „членство од втор ред“ за земјите што со години, па и децении чекаат интегрирање во „европското семејство“ но преку полноправно членство. Македонија е веќе 21 година кандидатка за влез во ЕУ.

„Доаѓаме: Група блиска со иранските власти му се заканува на Балканот

хакерската група изјави дека нападите врз институциите во Албанија се извршени за да се казни нивната одлука да ја засолнат иранската опозициска група Моџахедин-е-Калк (MEK), позната и како Народна муџахединска организација на Иран

Македонска Фејсбук-страница го тресе врвот на словенечката влада: „Маски паднаа“ со аудио-разговори

Фејсбук-страница администрирана од Македонија се најде во центарот на голем политички скандал што ги тресе словенечките политички кругови во последните денови

„Не сме ничија марионета“ – Вучиќ за влошените односи со Москва и извозот на муниција во Украина

Српскиот претседател Александар Вучиќ во интервју за германскиот весник „Зидојче Цајтунг“ отворено изрази скептицизам за брзо полноправно членство на Србија во Европската Унија и се залага за модел на „Европа со повеќе брзини“.
Сите вести од Регион

Најнови вести

To top