Регион

Во Бугарија лути зашто Мицкоски ја нарекува „источен сосед“

Јасно е кој е лавот на Балканот., вели поранешен бугарски амбасадор

Бугарија е огорчена од зборовите на македонскиот премиер Христијан Мицкоски кога тој зборува за Бугарија како за „источен сосед“, вели  поранешниот бугарски амбасадор во Скопје, Ангел Ангелов, за БТВ.

„Нема потреба од никакви извинувања, туку од враќање на нормален дијалог. Нивото на комуникација не е во нормален тон од Скопје кон Софија и ова се базира на нивна заблуда“, коментираше поранешниот амбасадор во Македонија.

„На Балканот има еден лав, а тоа е само Бугарија. Ова е нашиот знак, па затоа другите грбови на други земји немаат лав. Јасно е кој е лавот на Балканот.

Мицкоски наместо тоа го влече лавот за опашка, но таков стил не е за 21 век. Нема потреба да се влече лавот за опашка“, вели Ангелов, пренесоа медиуми.

Тој смета дека општеството во Македонија е озрачено со негативни информации.

„Имаме сериозно руско влијание во С* Македонија, што дава сила и ја храни политичката елита во РСМ. Ова е нивна внатрешна проценка дека на овој начин ќе направат голема победа на локалните избори во октомври во С* Македонија“, рече и Ангел Ангелов.

Најнови вести од: Регион

Трагедија на автопатот кај Нови Сад: Дете загина, седумина повредени

Едно дете загина, а седуммина други се потешко повредени во страшна сообраќајна несреќа што се случила рано изутрина околу 3:30 часот на автопатот Нови Сад – Белград, во близина на наплатната рампа кон српската престолнина.

Александар Вучиќ се огласи за проблемите во енергетскиот сектор

Вучиќ во неделата изјави дека ќе разговара со своите руски, американски и европски партнери за да го најде најдоброто решение за Србија во врска со моменталната енергетска ситуација. Тој тогаш изјави дека Србија ќе донесе свои одлуки и ќе го заштити населението ако немаме решение за проблемите оваа недела.

Претседателката Османи повикува на консултации за нов мандатар во Косово

Беким Купина, советник за медиуми на претседателката на Косово, Виоса Османи, денес изјави дека по неуспешниот обид за формирање нова влада, претседателката ќе ги покани политичките партии на консултации за избор на нов мандатар.

To top