Македонската тенисерка Лина Ѓорческа одигра уште еден квалитетен натпревар на ИТФ турнирот во W50 Слобозија во Романија.
Во второто коло тетовчанката на еден начин ја „збриша“ домашната тенисерка Бланка Барбулеску со 2-0 во сетови (6-2, 6-0).
По израмнетата игра на стартот од натпреварот, Ѓорческа првиот удар го зададе во шестиот гем, кога го направи првиот брејк, а потоа сервис на противничката одзеде и во осмиот за водство од 1-0 во сетови.
Во вториот се играше еднонасочно. Лина доминираше на теренот и без загубен гем се избори за четвртфинале во Романија.
Противничка на нашата тенисерка во битката за полуфинале ќе биде Луција Ќириќ Багариќ од Хрватска.