По ремито 29:29 со Португалија, женската ракометна репрезентација на Македонија до 17 години ја забележа својата прва победа на Европското првенство во Црна Гора, совладувајќи ја Турција со 30:27 во разигрувањето за пласман под 13. место.
Избраничките на селекторот Даниела Новеска го загубија првото полувреме со 14:13, а во завршницата влегоа со негатива од 20:22, но до крајот на мечот во Подгорица покажаа поголема желба за првенец на шампионатот.
Голманката Марија Дуновска со 15 одбрани и 38 проценти успешни интервенции беше прво име во победничкиот тим, за кој Таида Беровиќ постигна 8 гола од 11 удари, а Ања Лашкоска имаше ефект 7/10.
Македонија и Португалија имаат по 3 бода во групата Ј, еден повеќе од Шведска, а Турција е без бодови.
Во последното коло од оваа фаза „црвено-жолтите“ утре од 12 часот за противнички ќе ги имаат Швеѓанките.