Фудбалерите на Вардар ќе поделат сто илјади евра како награда од клубот ако ја елиминираат Лозана во второто квалификациско коло од Kонференциската лига на УЕФА, двојно повеќе од заедничката премија за успешно прескокнатата пречка Ла Фиорита од Сан Марино на стартот.
Првиот натпревар е закажан за в четврток од 20:30 часот на Националната арена „Тодор Проески“ во Скопје, а реваншот е седум дена подоцна во истиот термин на „Стад де ла Туилие“ кај петтопласираниот тим минатата сезона во Швајцарија.
Цената на билетите за првиот меч е 100 и 300 денари.