По двете финалиња во Куршумлиска Бања, Лина Ѓорческа ќе се бори за трофејот и на тенискиот турнир во романскиот град Слобозија, кој се игра на земјени терени и за награден фонд од 40 илјади американски долари.
Најдобрата македонска тенисерка, неделава 282. на ВТА-листата во сингл, ја оправда фаворитската улога против домашната натпреварувачка Марија Сара Попа (678.), совладувајќи ја со 6-1, 6-4 по 1:26 часа игра.
По поразите во финалните дуели во Србија, 31-годишната тетовка утре од 9 часот ќе бара „трета – среќа“ против Елена Руксандра Бертеа (489.) од Романија.