Франција и уште 14 земји заеднички потпишаа декларација што сугерира дека можат да признаат независна палестинска држава во наредните месеци, објавува Гардијан.
Министерот за надворешни работи на Франција, Жан-Ноел Баро, напиша дека потписниците „веќе ја признале, изразиле или ја изразуваат желбата или позитивниот став на нашите земји да ја признаат државата Палестина“.
Потписниците ги вклучуваат Андора, Австралија, Канада, Финска, Луксембург, Нов Зеланд, Португалија и Сан Марино. Меѓу нив се Исланд, Ирска, Малта, Норвешка, Словенија и Шпанија, кои веќе го сторија тоа. Францускиот претседател Емануел Макрон минатата недела изјави дека Франција ќе ја признае палестинската државност во блиска иднина.
Во соопштението, издадено пред крајот на тридневната конференција на ОН за оживување на решението за две држави за израелско-палестинскиот конфликт, исто така се вели дека земјите ќе „ја потврдат својата непоколеблива посветеност на визијата за решение за две држави, каде што две демократски држави, Израел и Палестина, живеат една до друга во мир во рамките на безбедни и признати граници“.
Во декларацијата се нагласува „важноста на обединувањето на Појасот Газа со Западниот Брег под управа на палестинска администрација“.