Воен транспортен авион се урна за време на полетувањето во Колумбија во понеделникот, при што загинаа најмалку 66 лица, соопштија властите.
Спасувачите трагаат по уште четири лица кои се водат како исчезнати, додека десетици преживеани се однесени во болници, објави Ројтерс.
Авионот, воен транспортен авион Херкулес Ц-130 изграден од Локид Мартин во 1984 година, превезувал 128 лица. Меѓу нив имало 11 лица од воздухопловните сили, 115 лица од армијата и двајца припадници на националната полиција, изјави шефот на вооружените сили, Уго Алехандро Лопез.
Авионот бил во сопственост на американската војска пред да биде купен од Колумбија.