Претседателот на Одборот за национална безбедност на иранскиот парламент, Ебрахим Азизи, упати остра порака до американскиот претседател Доналд Трамп, велејќи дека Иран повторно ќе го отвори Ормутскиот теснец, но под сосема нови услови.
„Ормутскиот теснец сигурно повторно ќе се отвори, но не за вас. Ќе биде отворен за оние кои ги почитуваат новите закони на Иран“, напиша Азизи на социјалната мрежа Икс.
Тој додаде дека „47 години гостопримство е завршено засекогаш“, алудирајќи на периодот од Исламската револуција во 1979 година до денес.
Азизи иронично забележа дека Трамп „конечно го остварил својот сон за промена на режимот – но во поморскиот режим на регионот“.
Иранскиот парламентарен одбор за национална безбедност, исто така, одобрил план според кој Иран ќе почне да наплаќа такса на сите бродови што минуваат низ Ормутскиот теснец, објави полуофицијалната новинска агенција Фарс.