Андриј Јeрмак, шеф на кабинетот на украинскиот претседаел кој поднесе вчера оставка од функцијата по претресот на неговиот дом, јасно стави до знаење дека е навреден од она што се случува и дека оди на фронтот.
Вчера, Националното биро за борба против корупција на Украина (НАБУ) и Специјализираното обвинителство за борба против корупција (САП) спроведоа претреси кај раководителот на кабинетот на претседателот на Украина, Андриј Јермак. Претреси беа извршени во неговата канцеларија и стан како дел од истрагата „Мидас“, која се однесува на вмешаноста на најблиските соработници на Володимир Зеленски во корупција во енергетскиот сектор.
Воени профитери: Вреќи полни со пари, златен тоалет, раскошни станови…
Во првата реакција по оставката Јермак изјави дека е навреден:
„Бев навреден и моето достоинство не беше заштитено, и покрај фактот дека сум во Киев од 24 февруари 2022 година. Затоа, не сакам да му создавам проблеми на Зеленски; одам на фронтот“, рече тој во интервју за Њујорк пост.
„Огорчен сум од нечистотијата што се фрла врз мене, а уште повеќе сум навреден од недостатокот на поддршка од оние кои ја знаат вистината“, додаде Јермак. „Подготвен сум за секаква казна“, рече и поранешниот шеф на претседателската администрација.
Украинскиот претседател Володимир Зеленски ќе одржи консултации и интервјуа за да номинира нов шеф на својата канцеларија.
Зеленски брза да најде замена за Јермак, бидејќи тој беше главен преговарач со САД и требаше да биде во Мајами, Флорида, во текот на викендот за да се сретне со Виткоф и Кушнер.
Виткоф требаше да се консултира со Јермак пред да отпатува за Москва на разговори со Владимир Путин.
Ризикуваме да изгубиме сè – Зеленски до Украинците по падот на Јермак