Виена беше сведок на неверојатна сцена: црвено Ferrari SF90 Stradale вредно 400.000 евра леташе над покривите на новоизградената зграда во кварт Флоридсдорф, за на крајот да слета на балконот од стан на четвртиот кат. Сопственикот, 28-годишниот босански бизнисмен Амар Дезиќ, кој веќе неколку години работи и живее во австриската престолнина, не сакал да го остави својот нов болид на улица пред зимата.
„Имам неколку автомобили, но за жал не добив дополнително паркинг-место во подземната гаража“, изјави Дезиќ за австрискиот портал „Heute“. „Сакав Ферарито да биде на безбедно – заштитено од снег, мраз и евентуални вандали.“
Така, минатата недела ангажирал тешка механизација: првин болидот бил пренесен во внатрешниот двор, а потоа со моќен кран подигнат до раскошната тераса. Глетката ги остави соседите без текст.
За жал, радоста траеше кратко. Веднаш по „паркирањето“ реагираа управникот на зградата и градежната инспекција: терасите не се предвидени за возила од 1,5 тони. Во петокот околу пладне пристигна специјализирана служба (чие име предизвика вирална радост на Балканот – „Паук“) и со прецизни милиметарски маневри го спушти скапоцениот автомобил назад на земја. Целата операција траеше околу половина час и беше снимена од сите агли – совршена бесплатна реклама и за сопственикот и за фирмата.
View this post on Instagram