Мировниот план за Украина, предложен од САД, е „целосно предавство“ на Киев, напиша поранешниот британски премиер Борис Џонсон во својата колумна за „Дејли меил“, пренесува „Украинска правда“
Според него, планот предвидува „воена кастрација“ на Украина, поточно, одредба за нејзината неможност за членство во НАТО. Џонсон тврди дека ако Киев ги прифати сите 28 точки од мировниот план, Украина ќе стане „марионета на Москва“ со постојан ризик од „трета инвазија“.
Тој го нарече планот „целосна капитулација на таканаречените пријатели на Украина“ и го спореди со „Минхенскиот договор на Хитлер“.
За време на неговиот мандат како премиер, Џонсон го посети Киев многу пати. Украинскиот претседател Володимир Зеленски го нарече пријател на Украина.
Општинскиот совет на градот Хуст во Закарпатскиот регион именуваше улица по Џонсон.