Бугаринот Георги Илиев одлучи да се пресели во Владивосток и веќе поднел документи за привремена дозвола за престој, објавија бугарски медиуми според кои ова ењ прв таков случај.
Преселувањето е овозможено благодарение на декретот на претседателот на Руската Федерација, Вадимир Путин, од 19 август 2024 година бр. 702, насочен кон обезбедување хуманитарна поддршка на луѓето кои ги споделуваат традиционалните руски духовни и морални вредности.
Георги Илиев, роден во 1972 година, вели дека главната причина за неговото преселување, според него, било зголеменото прогонство на рускиот јазик и култура во Бугарија.
По враќањето од Москва, каде што присуствувал на Парадата на победата на 9 мај, бил приведен на аеродромот во Софија и однесен на испрашување од страна на полицијата.
Овој инцидент го натерал да одлучи да се пресели во Русија.
Георги има намера да започне работа во Владивосток – разгледува опции во градежништвото или како возач. Се надева и дека ќе основа семејство.
Прес-службата на Одделот за миграција на Министерството за внатрешни работи на Русија забележува дека ваквите барања до Министерството за надворешни работи стануваат сè почести.
За една година откако стапи на сила декретот, примени се речиси две илјади барања од странци, при што околу 1.300 веќе добиле позитивни решенија.