Свет

Чарли Кирк убиен од покрив – слично како обидот за атентат врз Tрамп

Чарли Кирк го правеше она што често го правеше, држеше говор и дебатираше во стилот ‘докажи ми дека грешам’, кога фигура облечена во темна облека се појави на покривот и испука еден истрел

2 минути за читање

„Чарли Кирк го правеше она што често го правеше, држеше говор и дебатираше во стилот ‘докажи ми дека грешам’, кога фигура облечена во темна облека се појави на покривот и испука еден истрел, погодувајќи го во каротидната артерија. Снимките на социјалните мрежи се морничави“.

Вака дописничка на Би-Би-Си го коментира случајот со убиството на сојузникот на американскиот претседател Доналд Трамп кое ја потресе Америка. Американските власти активно трагаат по напаѓачот.

„Очевидци опишаа како гледаат фонтана од крв што му блика од вратот додека ја крева раката. Личното обезбедување на Кирк беше таму и го однесоа со приватен автомобил во болница каде што беше прогласен за мртов. Ова предизвика многу страв во САД за иднината на земјата и за политичките поделби овде“, продолжува текстот.

Според Би-Би-Си, одредени десничарски медиуми во САД објавиле дека е можно убиството на Кирк да било поради одмазда

Непотврдени снимки кои се појавија на социјалните мрежи сугерираат дека напаѓачот е виден оддалеку како трча по кровот бегајќи откако го застрелал Кирк.

На други објави на социјалните мрежи можат да се видат мапи за близината на ударот.

Конзервативниот активист Чарли Кирк, 31, беше застрелан и убиен додека зборуваше на Универзитетот Јута Вали. Тој седеше под бел шатор за време на пукањето, обраќајќи се пред толпа од околу 3.000 луѓе.

Сопругата и семејството на Кирк беа на местото на настанот, но се безбедни. Не се пријавени други повредени. Официјалните лица велат дека веруваат дека истрелот дошол од покрив.

Би-Би-Си Верифај анализирал снимки од социјалните медиуми за кои корисниците тврдат дека го покажуваат стрелецот.

Сепак, идентитетот на напаѓачот засега не е познат.

Поврзани теми:

САД|актуелно|пукање|Чарли Кирк

Повеќе на оваа тема:

Најнови вести од: Свет

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Алис Вајдел, АФД: ЕУ и нејзината диктатура мора да бидат распуштени, Урсула Лаен не може да ја одредува судбината на Европа!

Алис Вајдел, претседателката на десничарската партија Алтернатива за Германија, им се обрати на граѓаните на Германија во видео-порака, во која го најави можното „излегување на Германија од Европската Унија“, ако оваа десничарска партија застане на кормилото на германската држава. Според анкетите спроведени од неколку истражувачки агенции од почетокот на јануари оваа година, германската партија AfD (Алтернатива за Германија) води со неколку процентни поени и е на врвот на германските партии, кои уживаат најголема доверба кај Германците.
Сите вести од Свет

Најнови вести

To top