Постојаниот претставник на САД во НАТО, Метју Витакер, изјави дека Кремљ реагира речиси панично на самата можност за испраќање ракети „Томахавк“ во Украина,
„Очигледно не сме стигнале до точката каде што Путин ќе одлучи дека е време за преговори, но проблемот е што тој не може да покаже слабост, иако е неверојатно слаб“.
Во овој контекст, Витакер потсети дека Трамп ја нарекол Русија „тигар од хартија“, додека руските претставници инсистираат дека Русија е всушност „мечка“, отфрлајќи ја аналогијата на Трамп. Витакер верува дека генералниот секретар на НАТО, Марк Руте, најдобро го сумирал тоа: „Вистинската мечка не мора да докажува дека е мечка, таа едноставно е“.
Нагласувајќи ја слабоста на руската армија, Витакер истакна:
„Доколку полжав тргнеше од руско-украинската граница пред три и пол години, веќе ќе беше во Полска. А, Русите не зедоа ниту 20% од територијата, што покажува колку е некомпетентна и неефикасна руската армија на бојното поле“.
На прашањето дали американскиот претседател е навистина подготвен да испорача крстосувачки ракети Томахавк на Украина, Витакер појасни дека нема да дава никакви изјави сè додека Белата куќа не даде официјално соопштение.