Агенцијата за цивилна одбрана на Газа во среда соопшти дека 20 лица загинале кога камион со помош се превртел во близина на бегалскиот камп Нусеират во централниот дел на Појасот Газа, јавува Гардијан
„Дваесет лица загинаа, а десетици беа повредени околу полноќ синоќа во камион што превезувал помош [кој] се превртел… додека стотици цивили чекале помош“, изјави портпаролот на агенцијата, Махмуд Басал, за агенцијата Франс-прес (АФП).
Хамас го обвини Израел дека ги принудува возачите на камиони да одат по небезбедни патишта за да стигнат до центрите за дистрибуција на помош. „Ова често резултира со очајни толпи што ги преплавуваат камионите“, се вели во соопштението на нејзината канцеларија за медиуми.
Одделно, вчера беше објавено дека возачите на камиони кои се обидуваат да достават помош во Газа изјавиле дека нивната работа станала сè поопасна во последните месеци, бидејќи луѓето очајно гладни, а насилните банди го пополниле вакуумот во власта оставен од владетелите на Хамас на територијата.
Толпи гладни луѓе рутински ја крадат помошта од камионите што се движат, рекоа локалните возачи. Според извештаите, некои камиони биле киднапирани од вооружени мажи кои работат за банди кои ја продаваат помошта на пазарите во Газа по превисоки цени.