Новата безбедносна стратегија на САД во голем дел од Европа е доживеана како шокантна.
Таа меѓу деугото ги открива европските планови за промена на режимот на Стариот континент.
Европските престолнини денес се вознемируваат по објавувањето на новата Национална безбедносна стратегија на САД, која дел од својот фокус го насочува на состојбата во Европа, и воедно повикува на повторно ангажирање и „стабилност“ со Русија.
„Деновите кога Соединетите Американски Држави го поткрепуваа целиот светски поредок како Атлас се завршени“, се тврди во документот од 33 страници.
„Меѓу нашите многубројни сојузници и партнери броиме десетици богати, софистицирани нации кои мора да ја преземат примарна одговорност за своите региони и да придонесат многу повеќе за нашата колективна одбрана“.
Во истиот документ, тие посветуваат параграф по параграф за да опишат како Европа мора да го промени своето управување.
„Нашата цел треба да биде да ѝ помогнеме на Европа да ја поправи својата сегашна траекторија“, се наведува во документот.
Ова треба да се направи преку „негување на отпор кон сегашната траекторија во рамките на европските нации“, се наведува во него.
„Растечкото влијание на патриотските европски партии навистина дава причина за голем оптимизам“, стои во делот од стратегијата посветена на Европа.
Во продолжение најважните поенти за Европа во новата Национална безбедносна стратегија на САД која во ЕУ е дочекана како напад иако истата беше најавена од Стејт Департментот на САД уште во Мај.
- Повторно воспоставување услови за стабилност во Европа и стратешка стабилност со Русија;
• Овозможување на Европа да застане на свои нозе и да функционира како група на сојузнички суверени нации, вклучително и преку преземање на примарна одговорност за сопствената одбрана, без да биде доминирана од каква било непријателска сила;
• Негување отпор кон моменталната траекторија на Европа во рамките на европските нации;
• Отворање на европските пазари за американски стоки и услуги и обезбедување фер третман на американските работници и бизниси;
• Градење на здрави нации од Централна, Источна и Јужна Европа преку трговски врски, продажба на оружје, политичка соработка и културни и образовни размени;
• Крај на перцепцијата и спречување на реалноста за НАТО како сојуз што се шири постојано;
и
• Охрабрување на Европа да преземе мерки за борба против меркантилистичката прекумерна моќ
• технолошката кражба, сајбер шпионажата и другите непријателски економски практики.