Свет

Фицо: Украина не смее да ги прескокне земјите од Западен Балкан на патот кон ЕУ

Нема исклучоци и нема кратенки, тоа важи и за Украина, нагласи словачкиот премиер по средбата со Кошта во Братислава

„Украина не треба да напредува кон членство во Европската унија побрзо од земјите од Западен Балкан, кои се подолго во процесот на европските интеграции“, рече словачкиот премиер Роберт Фицо по средбата со претседателот на Европскиот совет, Антонио Кошта, во Братислава.

Фицо рече дека Словачка го поддржува проширувањето и членството во ЕУ за сите земји кои ги исполнуваат потребните услови, но дека истите правила мора да важат за сите кандидати.

„Нема исклучоци и нема кратенки. Тоа важи и за Украина“, рече Фицо, додавајќи дека Украина не може да оди побрзо од Црна Гора, ниту да ги престигне Албанија или Србија, кои се подготвуваат за членство подолго време, пренесува словачката државна новинска агенција ТАСР.

Тој изјави дека словачката влада е подготвена да ги сподели сите искуства што ги стекнала од сопствениот процес на интеграција, но на Украина не треба да ѝ се даваат исклучоци во овој поглед.

„Словачката влада ќе биде апсолутно строга по ова прашање“, нагласи Фицо.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top