Свет

Хамас го прифати новиот предлог за прекин на огнот во Газа

Палестински функционер, кој разговараше со АФП под услов да остане анонимен, рече дека најновиот предлог на медијаторите е „рамковен договор за отворање преговори за траен прекин на огнот“

Хамас го прифати новиот предлог за прекин на огнот во Газа, кој беше презентиран на групата денес во Каиро, објавува Ројтерс.

Досега, напорите на медијаторите на Египет и Катар, заедно со Соединетите Американски Држави, не успеаја да постигнат траен прекин на огнот во војната што предизвика сериозна хуманитарна криза во Појасот Газа повеќе од 22 месеци.

Палестински функционер, кој разговараше со АФП под услов да остане анонимен, рече дека најновиот предлог на медијаторите е „рамковен договор за отворање преговори за траен прекин на огнот“, со почетен 60-дневен прекин на огнот и ослободување на заложниците во две фази.

Извор од Исламски џихад, палестинската вооружена група која учествуваше заедно со Хамас во борбите во Газа, за АФП изјави дека планот вклучува „договор за 60-дневен прекин на огнот, во кој ќе бидат ослободени 10 живи израелски заложници, заедно со одреден број тела“.

Од вкупно 251 заложник земени за време на нападот на Хамас во октомври 2023 година, кој ја предизвика војната, 49 се уште се во Газа, вклучувајќи 27 за кои израелската војска вели дека се мртви.

Според извор од Исламски џихад, преостанатите заложници ќе бидат ослободени во втората фаза, а веднаш ќе следат преговори за поширок договор за траен крај на војната и агресијата со меѓународни гаранции. Изворот додаде дека сите фракции го поддржуваат она што го презентираа египетските и катарските медијатори.

Египетскиот министер за надворешни работи, Бадр Абделати, за време на посетата на граничниот премин Рафах со Газа, денес изјави дека катарскиот премиер, шеикот Мохамед бин Абдулрахман Ал Тани, пристигнал за да ги зајакне нивните постоечки заеднички напори и да изврши максимален притисок врз двете страни за што поскоро постигнување договор.

Зборувајќи за тешките хуманитарни услови за повеќе од два милиони жители на Газа, каде што агенциите на ОН и организациите за помош предупредуваат на глад, Абделати ја нагласи итноста од постигнување договор.

„Актуелната ситуација на терен е незамислива“, рече тој.

Најнови вести од: Свет

Трамп и Си се согласија да ги намалат трговските царини

Американскиот претседател Доналд Трамп и претседателот на Кина Си Џинпинг се договориле да се намалат царините за Кина во замена за тоа Пекинг да се справи со нелегалната трговија со фентанил, да продолжи со купувањето на соја од САД и да го одржи извозот на ретки метали.

Уапсени осомничени за кражбата во „Лувр“ – делумно признале вина

Двајца осомничени уапсени за спектакуларната кражба на накит во музејот Лувр „делумно“ ја признаа својата вмешаност, потврди париската обвинителка Лаура Бекуо. Четворица крадци украле девет парчиња накит на 19 октомври, додека светски познатиот музеј бил отворен за посетители. Еден од предметите паднал и бил пронајден на местото на настанот. Бекуо додаде дека украдениот накит сè уште не е пронајден.

To top