Австралија е дом на најотровните змии во светот, како и на некои од најопасните пајаци, меѓу кои се издвојува сиднејскиот пајак со инка (*Atrax robustus*) по својот смртоносен отров. Исто така, постојат агресивни солени крокодили, мали октоподи со сини прстени и бројни ајкули што се кријат во океанот.
Сепак, ниту едно од овие животни не ја носи титулата најсмртоносен, објави Science Alert..
Според извештајот на Националниот систем за смртност, животното што предизвикало најмногу смртни случаи во Австралија помеѓу 2001 и 2021 година всушност било коњот.
Во тој период се регистрирани вкупно 713 смртни случаи поврзани со животни, во просек 34 годишно. Коњите биле вклучени во дури 222 смртни случаи, или 31,1 процент, а мнозинството се случило како резултат на паѓање од коњи.
На второ место, исто така изненадувачки, се наоѓаат неавтохтоните видови. Говедата биле одговорни за 92 смртни случаи (12,9 проценти), од кои речиси половина се случиле во сообраќајни несреќи. По нив следат кучињата со 82 смртни случаи (11,5 проценти), каде што повеќето од причините биле каснувања, но значаен дел исто така паѓа.
Дури на четврто место е првото автохтоно австралиско животно – кенгурот. Кенгурите биле вклучени во 53 смртни случаи кај луѓето, од кои секој бил резултат на сообраќајна несреќа.
По нив следат змиите со 50 смртни случаи, пчелите со 45 (сите поради анафилактичен шок), ајкулите со 39 и крокодилите со 25 регистрирани смртни случаи во споменатиот дваесетгодишен период….