Иранскиот парламент ќе разгледа зголемување на нивото на збогатување на ураниум на 90% во случај на нов напад од САД, изјави пратеникот Ебрахим Резаи.
Резаи, портпарол на парламентарниот комитет за национална безбедност и надворешна политика, напиша дека ова е една од клучните опции што ќе се дискутираат во Техеран. „Една од опциите на Иран во случај на уште еден напад би можела да биде збогатување до 90%. Ќе го анализираме ова во парламентот“, рече Резаи.
Нуклеарните централи обично бараат ураниум збогатен до 3 до 5%, додека нивото од 90% е потребно за производство на нуклеарно оружје.
Оваа закана доаѓа откако американските медиуми објавија дека Доналд Трамп размислува за нови напади врз Иран за да ја ослабне неговата преговарачка позиција.
Претходно, Трамп ја оправда војната тврдејќи дека на Иран никогаш не треба да му се дозволи да развива нуклеарно оружје.
Си-Ен-Ен: Трамп ги губи нервите, враќањето во војна е сè поверојатно