Иран ги обвини Соединетите Американски Држави дека во последниот бран воздушни напади намерно таргетирале цивилна инфраструктура, откако пропаднаа мировните преговори.
Државните медиуми и покраинските власти соопштија дека биле погодени мостови, железничка станица и аеродром, пренесува Би-би-си.
Централната команда на САД (CENTCOM) соопшти дека нападите имале за цел „понатамошно ослабување на воените капацитети на Иран“, но не објави конкретен список на цели.
Би-би-си потврди автентичноста на снимките што ја покажуваат штетата на мостот Гаривех во покраината Хормозган.
Претходно, американскиот претседател Доналд Трамп се закани дека ќе ги таргетира иранските мостови и електрани со цел да го принуди Техеран да се врати на разговорите за завршување на војната што започна на 28 февруари.
Иранскиот парламентарен претседател Мохамед Багер Калибаф реагираше остро, велејќи дека „времето на еднострани договори е завршено“.
Ормускиот теснец, клучен воден пат за светската трговија со нафта, останува затворен по одлука на Техеран. И покрај прекинот на огнот договорен во јуни, тензиите меѓу Вашингтон и Техеран остануваат високи.