Иранската новинска агенција „Тасним “објави извештај во понеделникот со лажни шпекулации дека премиерот Бенјамин Нетанјаху можеби е убиен или ранет, а истовремено дека е убиен и неговиот брат Илдо, како уште една во редот гласини што постојано се шират на интернет за време на сегашниот израелско-ирански конфликт.
Статијата на персиски јазик не презентираше докази за напад врз Нетанјаху или каква било официјална потврда за штета.
Наместо тоа, собра низа околности, вклучувајќи го отсуството на Нетанјаху на неодамнешни видео клипови , извештаи во медиумите на хебрејски јазик за засилена безбедност околу неговиот дом, одложување на наводната посета на Џаред Кушнер и специјалниот претставник на САД Стив Виткоф и француски текст од разговорот меѓу претседателот Емануел Макрон и Нетанјаху, во кој не беше наведен датумот на разговорот; пишува „Јерусалем пост“
Извештајот на „Тасним“ се потпира и на тврдење од втора рака припишано на поранешниот американски разузнавачки службеник Скот Ритер, цитирано преку руските медиуми, во кое се тврди дека Иран го бомбардирал скривалиштето на Нетанјаху и дека и неговиот брат е убиен.
Но, вчера израелскиот премиер Бенјамин Нетанјахуго повика иранскиот народ да биде „подготвен“ да се ослободи „во наредните денови“.
„Водиме историска војна за слобода. Ова е единствената шанса во вашиот живот да го соборите режимот на ајатолахот и да ја освоите вашата слобода“.
Нетанјаху го изјави ова во објава на социјалните мрежи упатена до иранскиот народ.
Тој нагласи дека Израел и САД ќе ги интензивираат нападите врз „тираните кои ве тероризираат со децении“. Бенјамин Нетанјаху дури рече дека иранските власти „се во бегство“, но „немаат каде да се кријат“.
„Кога ќе дојде вистинскиот момент, а брзо се приближува, ќе ви го предадеме факелот. Бидете подготвени да го искористите моментот“, заклучи премиерот.
Така, Бенјамин Нетанјаху стави крај на шпекулациите за неговото здравје.
Јавно достапните информации ја поткопуваат вистината на гласината за неговата смрт. Нетанјаху, претходно даде официјална изјава објавена од Канцеларијата на премиерот на 7 март, а главниот портал на израелската влада, исто така, објави дека тој посетил место на удар во Бершеба на 6 март.
Иранските тврдења за Нетанјаху се отфрлени како „лажни вести“.
Ова не е прв пат иранските тврдења за местото каде што се наоѓа Нетанјаху да се појават за време на војната.