Поранешниот хрватски премиер и лидер на партијата ХДЗ, е ослободен од затвор пред да ја отслужи целата казна.
Санадер беше условно ослободен од затвор откако отслужи две третини од казната.
Поранешниот премиер помина речиси девет и пол години зад решетки, во притвор или под казна. Предвремено ослободување во хрватскиот затворски систем може да се побара откако ќе се отслужи половина од казната, а најчесто се одобрува по две третини од казната.
Како што објасни адвокатот Драган Црнковиќ, сите законски услови за поранешниот премиер да биде ослободен се исполнети.
Иво Санадер беше осуден на единствена казна затвор од 18 години и беше осуден во три случаи: за проневера на пари од јавни претпријатија во случајот Фими Медиа, за барање и примање мито во случајот Планинска и за префрлање на управувачките права врз ИНА на унгарскиот МОЛ во замена за мито.