Свет

Израел ги намали нападите врз Газа, Хамас спремен да ги предаде заложниците

Политичките лидери на Израел ја дале наредбата откако Хамас одговорил на планот на Доналд Трамп

2 минути за читање

 

Израел ѝ нареди на војската да ги намали офанзивните активности во Газа откако изјавија дека се подготвуваат за „итна имплементација“ на првата фаза од планот на американскиот претседател Доналд Трамп за Газа, објавија израелските медиуми.
Како јавуваат медиуми, политичките лидери на Израел ја дале наредбата откако Хамас одговорил на планот.
Хамас објави дека е подготвен да ги ослободи сите израелски заложници, како што е предвидено во планот на американскиот претседател Доналд Трамп за палестинската енклава, но рече дека ќе бара преговори за деталите за ослободувањето, како и за други точки како што се предавање на контролата врз Појасот Газа и разоружување на милитантната група.
Трамп му даде рок на Хамас до недела вечерта да постигне договор за неговиот план за иднината на Газа, нарекувајќи го тоа последна шанса за палестинската милитантна група.

 Хамас, која е прогласена за терористичка организација, се согласи да ја предаде администрацијата на Газа на независно тело составено од палестински технократи.

Исламското движење на отпорот ги пофали мировните напори на американскиот претседател Доналд Трамп и се согласи да води индиректни разговори со Израел за размена на израелски заложници за палестински затвореници.

„Врз основа на изјавата што штотуку ја даде Хамас, верувам дека се подготвени за траен мир.

Израел мора веднаш да престане со бомбардирањето на Газа за да можеме безбедно и брзо да ги извлечеме заложниците!“, рече Доналд Трамп веднаш по одговорот на Хамас.

„Моментално разговараме за деталите што треба да се разработат. Не станува збор само за Газа, туку за долгоочекуваниот мир на Блискиот Исток“, додаде тој.

„Денес е одличен ден. Ќе видиме како ќе се одвиваат работите. Сега треба да ги финализираме деталите“, се вели во дел од изјавата на Трамп, објавена на неговата социјална мрежа Truth Social.

Поврзани теми:

актуелно|трамп|Газа|Израел|Хамас|заложници

Повеќе на оваа тема:

Најнови вести од: Свет

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите (Видео)

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

80-годишен Италијанец под сомнение за учество во „снајперски туризам“ во Сараево

Покренувањето на истрагата во ноември 2025 година предизвика реакции кај преживеаните од опсадата и нивните семејства, кои изразија надеж дека ќе се утврдат одговорностите и ќе се изведат пред правдата лицата вклучени во овие наводни злосторства, дури и по три децении.

Трамп свикува голем состанок за „клучните минерали“

Администрацијата на претседателот Доналд Трамп денеска во Вашингтон организира голем состанок на високо ниво, познат како Critical Minerals Ministerial, на кој присуствуваат министри и претставници од Европската Унија, како и од десетици други земји, за да се разговара за критичните минерали – суровините што се неопходни за високотехнолошката индустрија, одбраната и енергетската транзиција.
Сите вести од Свет

Најнови вести

To top