Свет

Карлсон предупредува на глобална катастрофа: Трамп разгледува нуклеарен напад врз Иран?

Познатиот американски новинар тврди дека Белата куќа е под силен притисок од Нетанјаху за нуклеарен удар во централен Иран

Американскиот новинар и политички аналитичар Такер Карлсон упати драматично предупредување преку социјалните мрежи, тврдејќи дека администрацијата на претседателот Доналд Трамп, под силен притисок од израелскиот премиер Бенјамин Нетанјаху, разгледува можност за извршување нуклеарен напад врз Иран во текот на наредните неколку дена.

Според наводите на Карлсон, примарна мета на потенцијалниот воен удар е подземниот воен комплекс лоциран во планината Пикакс (Pickax Mountain) во централниот дел на Иран.

Тој истакнува дека американските власти се соочуваат со одлука што може фундаментално да ги промени геополитичките односи во светот.

Во својата анализа, Карлсон предупредува на сериозните еколошки и хуманитарни последици доколку се реализира ваквиот сценарио.

Според неговите зборови, радиоактивниот отпад од евентуална копнена експлозија би можел да ги загади водните ресурси во Персискиот Залив, со што директно би се загрозило снабдувањето со вода за над 100 милиони луѓе во регионот.

Покрај непосредните штети на Блискиот Исток, Карлсон предупреди дека преседан од таков обем би можел да предизвика домино-ефект меѓу останатите нуклеарни сили во светот, што би создало ризик од ескалација со катастрофални последици за сите.

Засега нема официјална потврда ниту демант од Белата куќа или од Пентагон во врска со тврдењата изнесени во објавата на Карлсон.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Најнови вести

To top