Шефот на руската дипломатија Сергеј Лавров, изјави дека Москва планира да ги намали трошоците за одбрана и верува дека одлуката на НАТО да ги зголеми трошоците на крајот би можела да доведе до негов колапс.
Лидерите на НАТО на самитот во Хаг во среда поддржаа зголемување на трошоците за одбрана на 5 проценти од БДП до 2035 година, како што побара американскиот претседател Доналд Трамп, и рекоа дека се решени да се бранат едни со други од заканата од Русија.
Замолен да коментира за изјавата на полскиот министер за надворешни работи Радослав Сикорски, кој тврдеше дека трката во вооружување меѓу Русија и Западот би можела да доведе до пад на рускиот претседател Владимир Путин, Лавров рече дека смета дека НАТО би можел да се распадне поради зголемените трошоци за одбрана.
„Бидејќи е таков прогнозер, веројатно гледа дека катастрофалното зголемување на буџетот на земјите-членки на НАТО, според мене, ќе доведе и до колапс на организацијата“, рече Лавров.
Рускиот претседател Владимир Путин во петокот изјави дека Русија размислува за намалување на трошоците за одбрана почнувајќи од следната година.
Русија ги зголеми трошоците за одбрана за една четвртина оваа година, на 6,4 проценти од БДП, што е највисоко ниво од Студената војна.